Како да ја подобрите стратегијата за содржина на социјалните медиуми

 

Голем број луѓе во денешно време размислуваат како да креираат квалитетни групи/канали/публика (изберете си кој збор најмногу Ви одговара) преку социјалните медиуми. Релативно малку се оние кои се успешни во поставување на одлична и стабилна комуникација со своите клиенти. Со значителни варијации во идеите, се сугерираат најуспешните приоди на содржина кои водат кон наведување сообраќај на социјалните мрежи. Секако оваа идеја би била поуспешна од поставувањето на статична содржина и промовирање содржина која е поставена само колку да се каже дека имате нешто објавено.

 

Посочуваме 4 начини за почеток на подобрување на Вашата стратегија за содржина:

1. Поставете цели

Лансирањето нов социјален канал, не претставува крај на планскиот процес. Треба точно да знаете што сакате да постигнете преку Вашиот ангажман на социјалните медиуми и тоа постојано да го имате во предвид. Понекогаш високите корпоративни цели можат да бидат апстрактни за многумина, па затоа делегирајте и комуницирајте ги кон пониските нивоа:

Бизнис цели > Комуникациски цели > Цели на социјалните медиуми

Осигурајте се дека целите ќе се вклопат во Вашата заедница и ќе се интегрираат за давање што подобри резултати, а со тоа осигурајте се дека и поставената содржина ќе ја има истата насока на движење.

2. Оптимизирајте

Дали ја оптимизирате содржината според претходните резултати. Доколку не, испуштате огромни можности.
 

Креирањето содржина не значи нафрлување информации без редослед и цел. Како што маркетинг аналитичарите истражуваат кои реклами водат кон подобри резултати, така и Вие треба да истражите и да се фокусирате кон содржини кои:

• Генерираат повеќе ангажман
• Водат до повеќе кликови
• Водат до повеќе претворања во посети

Истражете кој тип на содржина дава најдобри резултати. Истражете ја локацијата на поставување на содржината. Истражете кој дел од денот е најпожелен за споделување содржина итн.

3. Размислувајте > „пребарување“

Што правите во насока да ја „владеете“ правата страна со резултати на веб пребарувањата? Размислувајте преку Вашите маркетинг планови и фокусирајте се на луѓето кои Ве „пребаруваат“ на интернет. Креирајте интересна и корисна содржина што ги таргетира оние за кои Вие сте се одлучиле и е во рамките на преферираното време на посетителите на таа содржина.

Зошто тајмингот е важен? Бидејќи во денешното динамично живеење, доколку конкуренцијата излезе со интересна содржина пред Вас ќе бидат на чело на пожелните сајтови за обраќање на потрошувачите заинтересирани за соодветните содржини.

Доколку ја губите оваа битка, истражете што конкурентите прават подобро од Вас.

4. Користете Мултимедија

Мултимедија звучи како поим од 90те...но не и во веб пребарувањата. Тука се објаснува како повеќе различни видови содржина се интегрирани една до друга со цел креирање интересна и корисна информација. Ова води до компетитивна предност кога се натпреварувате за најдобар текст, најдобра слика, најдобро видео, најдобра музика – се интегрирано во една мултимаедијална содржина. Со добро планирање овој поим може да биде Вашата главна предност во веб пребарувањата пред Вашите конкуренти. 

 

 

EMBRA Corporation како дел од своите услуги нуди маркетинг, Е-бизнис и ИТ решенија базирани според Вашите потреби. За истите нуди и обуки за правилна употреба. Подетални информации можете да најдете ТУКА.


Следете не на нашата официјална Facebook страна