Централизацијата на спонзорството од страна на UEFA/ ТЕАМ претставува уште еден фактор во успешниот маркетинг на Лигата на шампионите. Предходно кога секој клуб бил сам одговорен за спонзорствата, не постоела координација на спонзорствата низ клубовите. Ова било променето во корист на централизирањето на спонзорствата од страна на UEFA/ TEAM. Според основачот на TEAM Klaus Hempel : "Пакетот беше единствен и колку повеќе се разликуваше, толку концептот беше поатрактивен за комерцијалните партнери кои сакаа поголем ексклузивитет. Пазарот стана едно место кое е загушено од комерцијални пораки, нашата идеја беше да поканиме осум партнери кои ќе ја испорачаат пораката со многу појасен глас- но подоцна оваа бројка беше редуцирана на четири." Овој концепт бил "иновативен" и комерцијално прилагоден на менувањето на состојбите на пазарот и се состоел од "селектирана група на спонзори со интегрирана платформа на комуникации".Отпрвин UEFA/ ТЕАМ се стремеле кон осум спонзори, потоа се одлучиле за четири (Моментални спонзори на Лигата на шампионите се: Mastercard од 1994; Playstation од 1997; Heineken од 2005; Ford од 1992, Sony од 2006 и UniCredit од 2010). Овие шест компании ги добиле ексклузивните маркетинг-права на Лигата на шампионите. Сите заедно (во сезоната 2006-2009 спонзор беше Vodafone), само за сезоната 2006/07 и платиле на UEFA вкупно 750 милиони евра. Од овие пари, UEFA предвидела 575,75 милиони евра за клубовите кои партиципирале во натпреварувањето, а останатите 174,25 милиони за федерациите и клубовите кои биле елиминирани во квалификациските фази.
Со понуда на елитен фудбал на константно огромната публика, UEFA успеала да привлече максимални спонзорства. Клучот за ова била понудата на севкупна покриеност во сите области на настанот и медиумските права, со што се максимализирала вредноста преку внимателно контролирана синергија.
Спонзорите се промовираат на стадионите преку рекламните билборди, на билетите и спонзорските програми, на позадината во делот определен за интервју и во VIP и PRESS областите. Правото за покривање на настаните станува повредно кога тоа поминува низ глобалната мрежа. Спонзорите имаат покривање не само преку преносот на настанот, туку и преку имањето на ексклузивитет за нивните производи во комерцијалниот пренос и преку спонзорството на емитувачот.
Во првата сезона на Лигата на шампионите, спонзорството на дресовите не било дозволено, но кога ова им предизвикало проблеми на клубовите со нивните спонзори, одлуката била променета. TEAM креирал “multiplying media effect” кој понудил "нови нивоа на препознавање на спонзорите". Вредноста на Лигата на шампионите е јасно препознаена од спонзорите, кои инвестирале вкупно 177 милиони швајцарски франци во сезоната 2003-04.
Спонзорите константно се рефлектираат на глобалниот производ кој UEFA е способна да го испорача:
Фудбалот е најпопуларниот спорт на главните пазари на Mastercard. Имајќи го ова на ум, нашето континуирано партнерство со UEFA е една моќна платформа која го гради Mastercard брендот помеѓу постоечките 350 милиони Mastercard корисници во Европа, создавајќи потенцијал за нови клиенти.
Значајната глобална публика која Лигата на шампиони ја има, ќе ја обезбеди Sony Electronics со една неконкурентна медиска платформа која ќе и овозможи да гради понатамошен имиџ за брендот и да ја зголеми свесноста за производот.
Ние сме воодушевени што го проширивме нашето спонзорство со UEFA Лигата на шампионите. Со повеќе од 4 билиони гледачи по сезона во 227 нации низ светот, овој спортски настан навистина стана глобален и одговара со Heineken брендот.
Партнерството со Vodafone во одредена мера се должи на синергијата помеѓу фудбалот како популарна содржина, новите технологии и глобалната телевизиска публика. Успехот на централизираниот маркетинг за спонзори исто така може да биде позитивно измерен со термините на долгорочноста на спонзорството. До дванаесеттата сезона на Лигата на шампионите, просечната должина на спонзорството била десет години. На крајот од сезоната 2003 - 04, 20.75 проценти од конзументите можеле да се сетат на сите четири спонзори. Како додаток на ова и самите спонзори го поврзале лансирањето на новите производи со Лигата на шампионите. На пример, Форд ја искористил фазата по групи во сезоната 2004-05 за лансирање на новиот модел на Fokus. Околу Божиќ 2004-тата, Playstation ги искористил сите шест дена за да го испромовира максимално својот производ. UEFA исто така има акредитирано и други компании како на пример во моментов Adidas, Sharp и Canon, кои уживаат слични привилегии како главните спонзори, обезбедувајќи добра и технологии кои се потребни за управување на турнир на ниво на Лигата на шампионите. Оваа интегрирана платформа на спонзорства им дозволи на UEFA и TEAM да ги максимизираат приходите за клубовите.
EMBRA Corporation како дел од своите услуги нуди обуки и советувањa за спортисти, менаџери, маркетинг и психолошки советувања и многу други услуги кои ќе ја направат Вашата кариера успешна. Подетални информации можете да најдете ТУКА.
Димитриевска Весна
EMBRA Corporation
Нема коментари:
Објави коментар